Corpus Van Reenen-Mulder (CRM14): Oorkonde D002p34001

Jn den name des vaders / des zoens / en_ des heylichs gheests / Jc diederic melijs zone / make mijn testame_t / wetende mijnre vijf sinne / en_ bi rade mijns prochipapen / Jn den eerste_ gheue ic vore mine ziele / en_ in recht_ aelmossen / vier hont lants / ewelike staende / die gheleghen sijn after thof na mijnre doot die zuytside va_ mine_ lande / En_ heuet beleghe_ piet_ llant an die zuytside / hier of sel hebbe_ die kerke va_ sg_uenzande iaerlix . ij . s_ . Jt_ die prochipape . ij . s_ . Jt_ die capellaen va_ onser vrouwe_ outaer . xij . d_ . Jt_ die capellaen va_ zente nyclais outaer . xij . d_ . Jt_ tghasthuys . ij . s_ . iaers / jt_ die vier ordine / die minre~brod_s va_ dordrecht / die augustine / die iacopine / en_ onser vrouwe_ broeders / haerlike xij . d_ . iaers / Jt_ h_en nyclais (onleesbaar) (onleesbaar) (onleesbaar) . d_ . iaers . also langhe als hi leuet / En_ na sijnre doot te come_ (onleesbaar) papeliker proue_de int ghasthuys . Dese iaerlike rente_ zulle_ vyt~reke_ die heylich~gheest~meest_s / en_ dat vorseyde lant ane~vaen na mine doot / en_ betale_ va_ iaere te iare / als me_ mij_ jarichtijt doet / En_ wat dat lant mee rentet dan hier vorscreue_ staet / dat sel die heylighe gheest hebben ter armer behoef Voort so gheue ic an ghereden ghelde behalue_ die_ iaerlike_ renten eer me_ yet va_ mine_ ghoede deelt / of roert / jn den eerste_ der kerken v . s_ . den prochipape . v . s_ . jt_ h_en auod . iij . s_ . h_en jan maector . iij s_ . h_en iacob maector . ij s_ . jt_ den heyligghe_ gheest . v . s_ . jt_ dien vier ter minaris vorghenoemt / haerlike . ij . s_ . jt_ h_en niclays den vlaminc . ij . s_ . Jt_ den cost_ . iij . s_ . jt_ den beghine_ . ij . s + . Jt_ zente martijn . iij . s_ . Vort so heb ic ghegheue_ bi mine leue_den liue / gheraerde mine_ broeder ene Morghe_ lants / die gheleghe_ is int ?lant ouer den dijc aft_ heyne ha_nen zoens / en_ heuet beleghe_ an die zuytside op woestelant / waert dat zake / dat ene ghemene vaert worde ouer zee / so soude gheraerd mijn broed_ / een pont holl_s va_ dien lande make_ / en_ voerent selue ouer zee / of dien hijt beueelt / vor mijns vaders ziele / en_ vor die mine na sijnre doot die bruycwaer va_ dien lande te comen vp sine kinder / Om~dat ic wil dat alle dese vorscreue_ dinghe stade en_ vaste bliuen so heb ic ghebede_ h_en arnoude va_ dordrecht mine_ prochipape / dat hi desen brief bezeghele met sinen zeghel En_ ic arnoud prochipape te sg_uenzande / om dircs bede wil / hebbe desen brief te bezeghelen met mine_ zeghel / ghegheue_ des woensdaghes na zente seruaes dach Jnt iaer ons heren . M˚ . + ccc˚ . + ende viertich . . .