Corpus Van Reenen-Mulder (CRM14): Oorkonde D002p34501

Wi lantscepenen van sg_uen~zande Orconden met desen lettren dat ecghebrecht ians soen van amersuoerde verliede voer ons dat hi vercocht heft den gasthuse van sg_uen~zande tien scellinghe hollansche iaerliker renten vrijs ghelts ewelike staende als daer ecghebrecht eenen open brief of hadde sprekende vp hughe pieter ian ver aliden zoens zoen Bezeghelt met den ghemeenen lantscepenen zeghele van sg_uen~zande vp zijn huys en_ vp zijn erue daer hi in woent en_ dien brief ouer~ghegheuen heuet als tot des gasthuys bihoef van sg_uen~zande jn kennessen der waerheden hebben wi desen brief bezeghelt met onsen ghemeenen lantscepenen zeghele van sg_uen~zande ghegheuen jnt iaer ons h_en M ccc vijf en_ viertich vp sente ians dach te vytgaende oest