Corpus Van Reenen-Mulder (CRM14): Oorkonde D002p34801

Wi lantscepene van sg_uenzande . maken cond en_ kenlic allen luden dat vor ons quam hughe pieter zoen ende verlijde dat hi in huren heeft noch vier jaer . die twe morghen lants . die willaem van den hof~dijc ghast~huys~meest_ va_ sgraue_zande cofte ieghen coppaert ians zoen va_ naeldwijc . toter capelrien behof in tghast~huys vors_ en_ leyt ghemengheder voere met gheertruden sijnre zust_ binne_ den ambocht van sg_uenzande streckende van den steenbrecghe scilporde . tot an den maesdijc en_ heeft beleghen an die westzide die heylighegheest . en_ an die oestzide tsg_uenheerwech om ses en_ twintich scellinghe holl_ jaers goets ghelds als die heer va_ den lande neemt van sinen Rente_ . te betalen alle iare die ene helf~te i_ Sente martijns daghe in den winter en_ die ander helfte te kersauond daer naest comende tot elken daghe reede ghelt of pande als van lanthure recht is . die jaerscaer van dien tween m_ghen lants vorscreue_ sel in~ghaen in vorscot_ marct naest come_de jnt jaer va_ neghen en_ viertich . en_ hughe sel al out werc verwaren vp sijns selues cost en_ nv werc sel hi oec verwaren en_ of slaen van der hure . Vort so heeft hughe pieters zoen vorghenoemt . die hure van dien lande vors_ verlanghet te tien iaren toe als die vorscreue_ vier iaren om ghecomen sijn ieghen h_en niclays den vlaminc . capellaen van den ghasthuyse om dertich scellinghe holl_ iaers al zulc payments als die h_e neemt van sine_ Renten . to betalen h_en niclayse vors_ of den houder deser lettre . alle iare in sente martijns daghe en_ te kersauond als vorscreue_ staet / en_ van lanthure recht is . die iaerscaer inghaende i_ vorscot_ marct als vors_ is . En_ alle dinc sonder arghelist . Jn orconde der waerheyd hebben wi Scepene vorghenoemt desen brief bezeghelt met onsen ghemene_ zeghel . Ghegheue_ jnt iaer ons h_en &mring; . + ccc˚ . + achte en_ viertich vp sente agnieten dach - -