Corpus Van Reenen-Mulder (CRM14): Oorkonde D002p35101

Wi lant~scepen van sg_uen~zande Orconden met dezen lettren dat michiel hughen zoen verliede voer ons Dat hi sculdich is Den heylighen gheest van sg_uen~zande tien scellinghe holl_s . jaerliker rente vrijs ghelts ewelike staende alle jaer te betalen in die hoofzande~marct met al zelken ghelde als men dan ghemeenlic mede coept en_ ouercoept reede ghelt of eyghen pande den derden pe_ninc beter die + men driuen of ? mach ter scepen pachtinghe voers_ . Dese voers_de renten heeft michiel voers_ verzekert en_ verwilcoert op een sticke lants dat gheleghen is bi den vlederbosche en_ beleghen heeft florijs van brabant op die noert~zide en_ willaem heynemans zoen op die zuyt~zide en_ soe mach michiel voers_ Dese voerzeyde renten verlegghen op andren erue bi den prochipape en_ bi den ghemeenen rechte van der poerte al~daer die heylighe gheest seker an is ende soe en sel die heylighe gheest niet hebben van dezen voers_den renten alsoe langhe als agniese jan florijs zoens dochter leeft en_ na hare Doet zel die heylighe gheest die renten in~nemen van jaer te jaer als voerscreuen staet jn kennessen bezeghelt met onzen ghemeene_ zeghel ghegheuen jnt jaer ons h_en . M . + ccc . + een en_ vijftich des vridaghes voer sente pieters dach cathedra