Corpus Van Reenen-Mulder (CRM14): Oorkonde D002p35201

jn goeds name amen Jc m_griete zeelanders machtich mijns lijfs en_ mijnre vijf zinne en_ bi rade mijns prochipape_ make testament jn de_ eerste_ gheue ic en_ bespreke den heylighe gheest toet sgrauenzande een half morghe_ lants die gheleghen is in die corte zijdwinde en_ beleghe_ heeft willaem van zeelant op die west~zide en_ lizebet ridders op die oest~zide en_ van deze_ lande zoe bespreke ic ter papeliker proue_de ij s jaers ewelike staende om in de_ bede~brief te staen en_ soe zel die heylighe gheest dat lant an~vaen toet sine_ vrien eyghe_ en_ die tuee scellinghe daer of vyt~reke_ alle jaer en_ om~dat ic wil dat dit testament vaste en_ stade bliue soe hebbe ic ghebede_ hare_ jan va_ arne_ dat hi dese_ brief bezeghel en_ ic jan voers_ hebbe dese_ brief bezeghelt met mine_ zeghel om bede wille m_griete_ ghegheue_ jnt jaer ons h_en M ccc tuee en_ vijftich des dinxdaghes voer sente bertelmees daghe