Corpus Van Reenen-Mulder (CRM14): Oorkonde D002p35301

JC Jan van arnhem . Prochipape in sg_uenzande . Make cond en_ kenlic / dat kerstine martijns om salicheyd haerre zielen . bestte heeft / en_ versekert . Twe achtendeel tarwen . ewelike staende / en_ alle iare te deelen vp den goeden vridach den armen vore hoer ziele . dese vors_ Tarwe heeft si bewijst / vp die helfte van Vierd + alf hont lants / legghende Jnt oude~lant / en_ heeft beleghen willem hanne_ zoens zoen . ten west~ende / met leenne . Die Capelle van hontsol . ten oest~ende met erue / Die kerke va_ sg_uenzande vp die zuitside met erue / En_ dirc van den Rijn vp die nortside met erue / Dese vorghenoemde Tarwe sel vyt~reken alle jare gherard woestelants zoen . en_ den armen delen also langhe als hi leeft / En_ na sijnre doot / so sellen die heylichs~gheest~meesters . die nv sijn / of hier namaels wesen zellen . Dien Tarwe jn~nemen / en_ alle jare delen als vorscreuen staet / Jn orconde deser dinc heb ic desen brief bezeghelt met mine_ zeghel . Ghegheue_ Jnt iaer ons H_en . M˚ . + ccc˚ . + Drie en_ vijftich . vp zente Agnieten dach . - -