Corpus Van Reenen-Mulder (CRM14): Oorkonde D002p35501

JN goets naem amen : Wj poppe allekijns soen ende machtelt mijn wijf Maken ons testament wetende onser vijf zinnen ende bi rade ons prochipapen haren lubbrecht van tyele in rechte_ testament ende in rechter aelmossen jn den eersten gheuen wi en_ bespreken voer onse zielen jtem der kerke van sg_uenzande een pont holl_s jaers eweliken staende ? ? heylighen gheest een pont jaers jt_ den gasthuse een pont jaers jt_ den beghinen een ?ont jaers jt_ ter paepliker prouen . v . s jaers jt_ onser vrouwen outaer . v . s jaers jt_ sinter nycl?s outaer . v . s jaers jt_ katrijn ian kocs kint x s jaers die sellen ghaen van poppen helft ende die x s jaers die jans kocs kint hebben sel die en sel machtelt niet ghelden Dese voerseyde renten v_sekeren wi ende verwilcoren op onse lant dat wi legghende hebben int noertlant op den ?hen~strenc ende in den bodem ende jan gherijts soen jn huren heeft ende so sel machtelt (onleesbaar) (onleesbaar) s half die renten bruken die voerscreuen staen also langhe als si leeft ende na haren doet selt ghaen als voers_uen staet / Om~dat jc wille dat dit testament vaste ende stade bliue so hebbe ic ghebeden onsen prochipaep dat hi desen brief bezeghelt met minen zeghel ghegheuen jnt jaer ons h_en M˚ ccc˚ vijf ende vijftich des manen~daghes na onser vrouwen dach verholen