Corpus Van Reenen-Mulder (CRM14): Oorkonde D002p35601

JN den naem gods amen jc jan gherijtdijns zoen machtich mijns lijfs wetende mire vijf zinne en_ bi rade mijns prochipapen haren lubbrechts van tyele Make mijn testament jn + den eersten gheue jc en_ bespreke ter paepliker prouen . v . scellinghe . jaers jt_ onser vrouwen outaer . xij d_ jaers jt_ sinter nyclaes outaer . vij . d_ jaers Dese voers_de renten verseker jc op ander half hont lants die ic legghende hebbe bi dirc judaes jt_ der kerke v scellinghe jaers Jt_ den heylighen gheest . v . scellinghe jaers jt_ den ghasthuse . v . scellinghe jaers jt_ den beghinen x scellinghe jaers ter paepliker prouen ende hebben zi ghenen paep so sel men + re die cappelle mede staende houden dese voers_de renten verseker ic op den langhen (onleesbaar) en_ den bodem daer mijn zuster haer testament op ghemaket heeft ghebrake daer yet an dat verseker ic op mijn ander lant dat ic noch hebbe Om~dat ic wille dat dit testament vaste ende stade bliue so hebbe ic ghebeden haren lubbrecht minen prochipaep dat hi desen brief bezeghel Ende ic lubbrecht van tyele prochipaep toet sg_uenzande hebbe dezen brief bezeghelt om bede wil jans voer sinen met minen zeghel Ghegheuen jnt jaer ons h_en M˚ ccc˚ zes ende vijftich des vridaghes na meye~daghe