Corpus Van Reenen-Mulder (CRM14): Oorkonde D002p36001

Wi lantscepe_ van sgrauenzande oerconden met desen lett_en dat hubrecht ghijsbrechts soen verlyede dat hi sculdich is den heylighen gheest toet sgrauenzande een pont hollants jaerliker re_ten te betalen alle jare toet sente martijns misse jn de_ wint_ met reede_ ghelde als men dan mede coept en_ ouercoept of met eyghen panden den derden penninc bet_ die men driue_ of draghen mach ter scepe_ pachtinge voers_ Dit voers_de ghelt versekert en_ verwilkoert hubrecht voers_ op sine woninge die hi staende heeft jn noerlant en_ op neghentien hont lants daer die woninge op staet welke woninge en_ lant beleghen heb? op die noertside hughe backer en_ op die suitsisde aer_t honts kinder Om~dat dit waer is so heb wi desen brief bezeghelt met onsen ghemeene_ zeghel ghegheue_ jnt jaer ons h_en M˚ ccc˚ en_ tsestich sestie_ daghe jn februario