Corpus Van Reenen-Mulder (CRM14): Oorkonde D002p36901

Jn + den naem gods amen JC Jacop ysebrants zoen Make en_ ordinier miin testament bi rade miins prochipapen haren jans van aernem Jn + den eersten so bespreec jc voer miin ziele voer kat_nen miins wifs ziele en_ voer ysebrant miins zoens ziele vier en_ twintich scellinghe iaers den armen te deylen alle jaer op ten goeden vridach op vier hont lants die gheleghen siin onder hughe pauwels zo?ns huse an die noert~zide jte_ den heylighen~gheest~meysters te sgrauenzande twie scellingh jaers dat si dit ghelt ?~nemen zullen en_ ? jtem der kercke x s_ jtem onser vrouwen tien scellingh jtem den heylighen gheest x s_ Jtem den prochipape tien g_t Jtem den capellaen vijf scellinghe jtem sinte maertiin x s_ jtem elken paer broeders twie scellinghe Ende om~dat jc wille dat testament vast en_ ghestade bliue so heb jc ghebeden enen eersamen en_ enen wisen man haren ian van aernhem dat hi dit testament bezeghelen wile om minen wille En_ ic haer voerscr_ om bede jacobs wille voerscr_ heb jc desen brief bezeghelt mit minen zeghel ghegheuen Jnt jaer ons heeren M˚ ccc˚ neghen en_ tsestich op sinte agnieten dach