Corpus Van Reenen-Mulder (CRM14): Oorkonde D002p36902

Jn + den naem gods amen JC Jacop ysebrants zoen Make en_ ordinier mijn testament bi rade mijns prochipapen haren jans van aernhem Jn + den eersten so bespreec jc voer mijn ziele voer kat_nen mijns wifs ziele En_ voer ysebrant mijns zoens ziele vier en_ twintich scellinghe iaers den armen te deylen alle jaer op ten goeden vridach op vier hont lants die gheleghe_ sijn onder hughe pauwels zoens huse an die noert~zide jte_ den heylighen~gheest~meysters te sgrauenzande twie Scellinghe jaers dat si dit ghelt in~nemen zullen en_ deylen jtem der kercke x s_ jt_ onser vrouwen tien Scellingh jte_ den heylighen gheest x Scellinghe jtem den prochipape tien g_t jtem den capellaen vijf Scellinghe jte_ sinte martijn tien Scellinghe jtem elken paer broeders twie Scellinghe Ende om~dat jc wille dat testament vast en_ ghestade bliue So heb jc ghebeden enen eersamen en_ enen wisen man haren ian van aernhem dat hi dit testament bezeghelen wille om minen wille En_ ic haer voerscr_ om bede jacobs wille voerscr_ heb jc desen brief bezeghelt mit minen zeghel Ghegheuen jnt jaer ons M˚ ccc˚ neghen en_ tsestich op sinte agnieten dach