Corpus Van Reenen-Mulder (CRM14): Oorkonde D002p37301

Wi lantscepen van sg_uenzande orconde_ met dezen lettre_ Dat pieter louwen zoen verliede voer ons dat hi sculdich is clemeynsen meester voppen wedewye Een pont holl_s jaerliker renten vrijs ghelts eweliken staende alle jaer te betalen toet Meyen~daghe met al zelken ghelde als men dan ghemeenlic mede coept en_ ouercoept reede ghelt of eyghen pande als van lanthuyr recht is Dese voerscr_ renten heeft piet_ voers_ verzekert en_ verwilcoert op elf hont lants dat gheleghen is jnt noerlant ouer die kreke en_ beleghen heeft ymme jans wedewie van der strate op die noertside ende gherijt woesteland en_ willaem boudijns soen op die zuyd~zide jn kennessen bezeghelt met onsen ghemeene_ zeghel jnt jaer ons h_en m ccc drie en_ tseuentich des woensdaghes na sente Marcus dach ewangelisten