Corpus Van Reenen-Mulder (CRM14): Oorkonde D002p37501

Wi lantscepene van sg_uenzande orconden met dezen lettre_ Dat ghyse fyen zoen verliede voer ons dat hi sculdich is gherijt mont een pont holl_s jaerliker renten vrijs ghelts ewelike_ staende alle jaer te betalen toet sente gheertruden daghe met al zelke_ ghelde als men dan ghemeenlic mede coept en_ ouercoept reede ghelt of eyghen pande den derden pe_ninc bet_ die + me_ driuen of draghen mach t_ scepen pachtinghe voers_ Dese voerscr_ rente_ heeft ghyse voers_ verzekert en_ v_wilcoert op sijn huys en_ op drie morghen lants erfhure daer hi nv op woent behouden den here van den lande sijns rechts en_ gheleghen is jnt niewelant bi den maesdijc jn kennessen bezeghelt met onsen ghemeene_ zeghel jnt jaer ons h_en M˚ ccc˚ vijf en_ tseuentich vier daghe jn maerte