Corpus Van Reenen-Mulder (CRM14): Oorkonde D002p38701

Wi lantscepene van sg_uenzande orconden met dezen lettren dat herper odziers zoen verliede voer ons dat hi sculdich is lizebetten van voerburch een pont holl_s jaerliker renten ewelike_ staende alle jaer te betalen toet kersauond met zelke_ ghelde als men dan ghemeenlic mede coept en_ ouercoept reede ghelt of eyghe_ pande den derde_ pe_ninc beter die + me_ driue_ of draghe_ mach t_ scepen pachtinghe voers_ dese voerscr_ rente_ heeft herper voers_ verzekert en_ verwilcoert op die helft van vier hont lants en_ hi ghemeen heeft met jan omloeps kinder en_ gheleghen is jn die zijtwinde en_ op een hont lants dat hi legghende heeft voer jan boudijns zoens ghemengheder voer met jan omloeps kinder en_ op die helfte van eenre haluer morghen lants (onleesbaar) gheleghe_ is jnt niewelant ghemeen met jan omloeps kinder en_ harnout beleghen heeft op die een zide jn ke_nessen bezeghelt met onzen ghemeene_ zeghel jnt jaer ons h_en M˚ ccc˚ tachtich en_ zeuene op sente katrinen dach