Corpus Van Reenen-Mulder (CRM14): Oorkonde D002p38801

Allen den ghenen die dese lettren sullen zien of horen lezen Jc arnoud prochghi~pape van sg_uen~zande / Ende lants~Scepene van sg_uen~zande maken cont ende kenlic / Dat hughe mouwe voer ons quam Ende vore gherechte / Ende gaf vore sijn ziele in rechter aelmossen . een morghen lands na sierre doet die leghet an teylingher land / Ende heuet beleghen an die zuytside haer jan van ecghemonde Ende an die nortsyde gheraerd van raporst . Jn deser manieren als hughen ghebreket / So sellen onse kerke~meysters dese morghen lands ane~vaen ende v_hueren + se / ende onse kerke selre of behouden jaerlix . tuintich . scelling . ende den heylighen gheest gheuen . vijf . scelling / Ende wat dat land meer ghelt . sel hebben tgast~huys / Omme~dat dit vaste ende stade bliue / So hebbe ic arnoud prochghi~pape vorseyd bezeghelt met minen zeghele / Ende wi lant~Scepene met onsen ghemeene_ zeghele / ghegheuen des saterdaghes na zente aechten dach / Jnt iaer ons h_en . + M˚ ccc˚ + . achte . + ende . + dertich - - -