Corpus Van Reenen-Mulder (CRM14): Oorkonde D002p38802

Wi lantscepene van sg_uenzande orconden met dezen lettren dat hughe claes poelmans zoens zoen verliede voer ons dat hi sculdich is gherijt florijs zoen vier pont holl_s jaerliker renten ewelike_ staende alle jaer te betalen toet kersauond met zelken ghelde als men dan ghemeenlic mede coept en_ ouercoept reede ghelt of eyghen pande de_ derde_ pe_ninc beter dieme_ driue_ of draghe_ mach t_ scepen pachtinghe voers_ dese voers_ renten heeft hughe voers_ verzekert en_ verwilcoert op sijn huys daer hi nv Jn woent en_ op ander + half Morghen lants dat gheleghen is jnt noerlant tuschen die kreke en_ den wech En_ beleghen heeft op die noert~zide bertelmees symons zoen En_ op die zuyd~zide jan van der hoerne jn kennessen der waerheyt bezeghelt met onsen zeghele jnt jaer ons h_en . &mring; . ccc˚ . acht . en_ . tachtich op sente Margriete_ dach