Corpus Van Reenen-Mulder (CRM14): Oorkonde D002p38901

Jn + den naem goeds amen Wi harnout claes zoen en_ beatrijs mijn wijf Make_ onsen testament Machtich ons lijfs wetende onser vijf zinne en_ bi rade ons p_chipapen haren jans van beesde jn de_ eersten gheuen wi en_ bespreken jn rechten testamente en_ jn rechter aelmossen den heylighen gheest toet sg_uenzande ander + halue morghen lants luttel min of meer dat gheleghen is jnt newelant / tuschen den ouden dijc en_ die wateringhe en_ beleghe_ heeft op die een zide die heylighe gheest en_ op die ander zide jan omloeps kinder jn dezer manieren dat si dat lant zellen bruken toet hare beyder liue toe en_ welc van hem beyden langheste leeft die zel dat lant bruken en_ aenvanghen toet sijnre doet toe en_ sel ouer den and_en deelen allen jaer op sijn jarichtide brode van tueen pe_ninghen En_ na onser beyder doet so zel die heylighe + gheest dit lant aen~vaen en_ deelen (onleesbaar) (onleesbaar) den toet eweliken daghen alle jaer brode van tueen pe_ninghen op dat eerste jaerichtijtijt @ daer die eerste van ons beyde_ op sterft En_ sel zellen @ die heylighegheestmeest_s hebbe_ van dezen lande alle jaer elc tuee grote om~dat si den arbeyt doen om~dat wi willen dat dit testament vaste en_ stade bliue so hebben wi ghebeden haren jan van beesde onsen p_chipape dat hi dezen brief voer ons bezeghelen wille En_ ic jan van beesde p_chipape van sg_uenzande hebbe dezen brief bezeghelt om bede wille harnouts en_ beatrisen sijns wijfs voerscr_ met mine_ zeghel jnt jaer ons h_en M˚ ccc˚ neghen en_ tachtich op sente odulfs auond