Corpus Van Reenen-Mulder (CRM14): Oorkonde D002p39001

Jn den naem des vaders des zoens en_ des heylighen gheests Jc gheertruyd pieter hughen zoens wijf machtich mijns lijfs wetende Mijnre vijf sinnen en_ bi rade Mijns p_chipapen haren arnts van diests Make en_ ordinere mijn testament om salichede mijnre zielen jn den eersten so bespreke ic voer louwen mine_ man en_ voer mi alle goede vrydaghe te deelen vier achtendeel tarwen op vier hont lants die gheleghen sijn jnt noerlant den heylighen gheest toet sg_uenzande welc lant beleghen heeft op die zuydside pieter telder vp die noertside mijn kinder die kreke vp dat west~ende en_ op dat oest~ende die dijc waer dat sake dat mijn kinder of mijn erfname dit testament niet voort en willen laten gaen so zullen die heylighegheest~meesters dit lant an~vaen toet eenen vryen eyghen toet des heylighes gheests behoef en_ verhurent Om~dat ic wille dat dit testame_t voertganc hebbe so hebbe ic ghebeden eenen eerzamen man en_ eenen wizen haren arnt van diest minen prochipape dat hi dit testament beseghelen wille en_ ic haer arnt voerscr_ om bede wille gheertruden voerscr_ so hebbe ic dit testament beseghelt met mine_ seghel jnt jaer ons h_en M˚ ccc˚ en_ een en_ tneghentich op onser vrouwen dach purificacio