Corpus Van Reenen-Mulder (CRM14): Oorkonde D002p39301

jn goets name amen jc alijd dircs docht_ Machtich mijnre vijf zinnen bi minen gaen by mine_ staen en_ bi rade Mijns p_chipapen haren arnts van diest Make mijn testament jn den eersten gheue jc en_ bespreke jn rechte_ testamente en_ jn rechter aelmossen den heylighen + gheest toet sg_uenzande een Morghen lants luttel meer welc lant gheleghen is benoorden heynen werue en_ zuwaerts kinder beleghen hebben op die noertside jn deser manieren als dat die heylighe + gheests meest_s dit lant an~vaen zellen na mijnre doet En_ zellen deelen alle jaer op sente niclaes auond ouer ymme mijnre zuster ziele en_ ouer mijn ziele den armen brode van tueen pe_ninghen voert zellen die heylighegheestmeest_s alle jaer van desen lande vyt~reeke_ den p_chipape tuee scellinghe jt_ den armen beghinen jn der formerie drie scellinghe En_ dat couent van den beghinen tuee scellinghe jaers om~dat ic wille dat dit testament vaste en_ stade bliue so heb ic ghebeden haren arnt van diest Minen p_chipape dat hi desen brief voer mi bezeghelen wil En_ ic arnt van diest p_chipape van sg_uenzande hebbe desen brief bezeghelt om bede wille aliden dircs docht_ voerscr_ met minen zeghel jnt jaer ons h_en M˚ ccc˚ drie en_ tneghentich op sente ponsekijns dach