Corpus Van Reenen-Mulder (CRM14): Oorkonde D002p40001

Jn den naem des ? des zoens en_ des heyligheest amen jc symon jans zoen Machtich mijns lijfs en_ wetende mijnre vijf sinnen en_ bi rade Mijns prochipapen haren arnts van diest Make mijn testament voer mj en_ voer fyen mijn eerst wijf jn + den eersten gheue ic en_ bespreke jn rechten testamente en_ in rechter aelmossen der kerke toet sg_uenzande achte scellinghe jaers jt_ onser vrouwe? cappellaen xij d_ jt_ sente niclaes cappellaen xij d_ jt_ den beghinen ij s_ jt_ den vijf paer broed? ? (onleesbaar) (onleesbaar) d_ jt_ den coster xij d_ voert so bespreke ic vier achtendeel tarwe ouer ons te deelen alle jaer op ? jaerghetide en_ dat beset ic an den heylighen gheest dit voerscr_ testament bewise ic op vijftich scellinghe jaers die ic cofte jeghens hughejans zoen en_ mi versekerde op sijn gheeste after die huse daer hi plach te wonen en_ voert bespreke daer toe tien scellinghe jaers die ic hebbe op coman gherijts huys en_ erue en_ so bespreke ic den heylighe_~gheestsmeesters elkerlijc ij s_ jaers om~dat si ouer ons deelen sullen en_ dit testament vyt~reeken sellen als voerscr_ staet en_ om~dat ic dat dit ?stament vaste ende stade bliue so hebbe ic ghebeden haren arnt van diest dat hi desen brief voor mi beseghelen wille en_ ic arnt van diest p_chipape voerscr_ hebbe desen brief beseghelt om bede wille symon jans zoens voerscr_ met minen seghele jnt jaer ons h_en M˚ en_ vier hondert des woensdaghes na meyen~daghe