Corpus Van Reenen-Mulder (CRM14): Oorkonde D005p35602

Wy scepen jn + den haghe doen cond allen luden dat voer ons quam vrederic die smit ende verliede sculdich te wesen Gheriit jans zoen of den houder des briefs zes~tyen scelling_ ende achte pe_ninghe holl_ns tsiaers eweliic staende ghelt daer men wiin en_ broet o_me coept te betalen alle jaer toet alre heylighen daghe en_ dese voers_ renten die heeft hi hem versekert op siin huys en_ erue daer hi nv t_ tiit op woent en_ js gheleghen in hannewitten~straet en_ heeft beleghen an die oest~side jan snider op die west~side hanne witte behouden den here siin recht jn kennesse der waerheit soe hebben wi desen brief open bezeghelt met onsen ghemenen zeghel Ghescr_ des vridaghes voer Sinte victoers daghe jnt jaer ons heren d˚sent drie + hondert zes ende viiftich