Corpus Van Reenen-Mulder (CRM14): Oorkonde D005p37301

Wj scepen in die haghe maken cond allen luden dat voer ons quam jacob eylbaern en_ v_liede sculdich te wesene jan stouthals of houder des briefs een pont holl_s jaers ewelic staende ghelt daer men wiin en_ broet om coept te betalen alle jare te meye en_ dit heeft hi him v_sekert vp een hwijs en_ vp een hofstede die beleghen heeft vp die noert~side jan van oudewater en_ vp die swyt~side jan leckerkerc welc hwys en_ erue jacob voers_ erfhuyerwaer ghehuyert heft jeghens jan voernoemt behouden den heer siin recht jn oerkonde desen brieue beseghelt mit onsen ghemienen seghele ghegheuen int iaer ons h_en M˚ + . ccc˚ . + drie ende tseuentich des manendaghes na beloken paeschen