Corpus Van Reenen-Mulder (CRM14): Oorkonde D005p37401

Wi scepen jn + die haghe Doen Condt allen luden dat voer Ons quam pieter claes meynten soen ende gheliede dat hi vercoft heeft . marcelien philips willems zoens wedewi . of den houder des briefs viue en_ viertich scellinghe . holl_s jaers ghelt daer men wiin en_ broet om Coept ewelic staende vp die huse en_ Erue Die beleghen hebben Oliujer jans zoen aen die Oest~side en_ ghertruyt witkiaens aen die west~side te betalen alle jaer toet meye en_ waer dat hi des niet en dade so soude hi gheuen marcelien voerseit of den houder des briefs . ghelt of pande gheliken oft van lanthuyr waer Jn orconde der waerheit so hebben wi desen brief open beseghelt met onsen ghemenen zeghel behouden den he_e siin recht Ghegeuen jnt jaer ons he_en Duysent + . Drie hond_t vier en_ tseuentich . des dinxdaechs na Onser vrouwen Dach natiujtas .