Corpus Van Reenen-Mulder (CRM14): Oorkonde D005p37601

Wi scepene jn die haghe doen cont allen luden dat voir ons quam jacob ries v_nken soen en_ verliede sculdich te wesene jan en_ dirc le_mekiins kinder van den yser of den houder des briefs ien pont holl_s tsiaers ewelike staende ghelt daer men wiin en_ broet o_me coept Te betale_ alle jare toet heileghe misse En_ dit heeft hi v_zek__t vp ziin husi_ghe en_ alle ziin lant dat gheleghen is nv ten tiden jn den zegbroec En_ beleghen heeft beyer yseb_nt zoen op die oestzide en_ op die westzide / ien van wat_inghe ant nortende / opt zuit~ende dirc van + den bosch behouden den h_e ziin recht Jn orconde heb wi desen brief bezeghelt med onse_ ghemiene_ zeghel Gheg_ jnt jaer ons h_en M˚ ccc˚ ses en_ tseue_tich op alre heileghen dach