Corpus Van Reenen-Mulder (CRM14): Oorkonde D005p37801

Wi Scepen jn + den haghe Doen condt allen luden dat wi ghepacht hebben . aelwiin vleyschouwer of wie houder is des briefs . vp Eueraerts smits . huse en_ hofsteed . dertien scellinghe holl_ns siaers Ewelic staende . ghelt Daer men wiin en_ broet om coept Te betalen alle iaer op den meye~Dach Ende dit voerseide hwis en_ Erue heeft bileghen an die noertside willem Obrecht en_ an die zwit~side nv ten tiden iacop dirc heerkiins soen den he_e behouden siin recht jn kennes der waerheit So hebben wi Desen brief open biseghelt mit onsen ghemenen zeghel jnt iaer Ons he_en . Duysent drie + hondert acht en_ tseuentich vp sinte Pancracius Dach