Corpus Van Reenen-Mulder (CRM14): Oorkonde D005p38201

Wy scepen jn + den haghe maken cond allen luden dat voer ons quam jacob vrancken soen ende virliede sculdich te wesene Claes helmaer of den houder des brieues viertich scellinghe holl_ns jaers ewelic staende alsulc ghelt daer men wijn ende broet om coept te betalen alle jaer te voerscoeter~marct ende dit heeft hi hem virsekert op sijn aen~deel van dier woninghe die jacob voers_ heeft legghende met sinen kinderen die hi bi willaem pieters soens docht_ heeft ghemien met ghemengder voere ende half jacobs voers_ is welc voers_ heel woning_ leyt sestien morghen lants luttel meer of luttel min daer nv ter + tijt op woent boudijn bien soen als een huerman welc voers_ woninghe beleghen heeft op die suut~side ende an die west~side willaem pieters soen eyrfnaem ende op die noert~side ende op die oest~side doedekijn pieter ghenen soen behouden den here sijn recht jn kennes der waerheit soe hebben wi desen brief open beseghelt met onsen ghemienen seghel jnt jaer ons he_en dusent drie hondert twe ende tachtich op sinte odulfs dach