Corpus Van Reenen-Mulder (CRM14): Oorkonde D005p38302

Wij scepen jn + die haghe doen cond allen luden dat voer ons quam lysebet heyn bruynen weduwi ende jan van + der hoeue hoer rechte voghet ende ghelieden dat si vircoft heeft den heylighen~gheest jn die haghe ? pont holl_s tsiaers ewelijc staende alsulc ghelt als daer men wiin ende broet om coept te betalen alle jaer te kersauond ende dese voers_ renten die heeft si hem virsekert op hoer huys ende erue daer si nv ter tiit op woent ende beleghen heeft an die oest~side lysebet gheriit dinen wedewi ende op die swt~syde jan jacobs soens eyrfnamen mit enen twn ende op die west~side an dat swt~ende die delf~wech ende op die west~side an dat noert~ende Symon jans soen behouden den here sijn recht Jn kennes der waerheit soe hebben wi desen brief open beseghelt met onsen ghemienen seghel jnt jaer ons heren dusent drie + hondert drie ende tachtich op ? pieters dach cathedra