Corpus Van Reenen-Mulder (CRM14): Oorkonde D005p38503

Wy scepen jn + den haghe doen Cond allen luden dat voer ons quam lisebet gherijt doeden wedewi en_ verliede sculdich te wesen pieter claes soen of den houder des brieues dertich scellinghe holl_ns tsjaers eweliken staende alsulc ghelt als daer men wiin en_ broet om coept te betalen alle jaer te voerscoeter~marct en_ dese voers_ renten die heeft si hem virsekert op hoer huys en_ erue daer si nv t_ tijt op woent en_ leyt op die west~side van + der spoeye en_ heeft beleghen an die swt~side pieter robbrechts soen ende an die noert~syde pieter claes soen selue voers_ behouden den here sijn recht jn kennisse der waerheyt soe hebben wi desen brief open beseghelt met onsen ghemienen seghel Ghescr_ op sinte Margrieten dach jnt jaer ons he_en duysent drie + hondert wiif ende tachtich -