Corpus Van Reenen-Mulder (CRM14): Oorkonde D005p38601

Wii scepen jn + den haghe doen cond allen luden dat voer ons quam Claes diedaerts soen ende verliede sculdich te wesen Robbrecht pieters soen of den houder des brieues twalef scellinghe holl_ns tsiaers ewelic staende ghelt daer men wiin ende broet om coept te betalen alle jaer te meye ende dese voers_ renten die heeft hi hem versekert op sin huys ende erue daer hi nv ter tiit op woent ende is gheleghen an die ?straet welc huys ende erue dat beleghen heeft an die west~side langhe hans ? an oest~side (onleesbaar) behouden den here sins recht . Jn kennes der waerheit soe hebben wi desen brief open bezeghelt met onsen ghemenen zeghel Ghescr_ op sinte odulfs dach jnt jaer ons heren dusent drie + hondert sesse ende tachtich