Corpus Van Reenen-Mulder (CRM14): Oorkonde D005p39101

Wi scepen jn + den hag_ doen cont allen luden dat voer ons quam luutgaert bouwer jans zoens wedewe en_ verliede sculdich te wesen rutgaer die hoetmaker of den houder van desen brieue viertich scelling_ holl_ns tsiaers ewelic staende ghelt daer men wiin en_ broet o_me coept te betalen alle jaer op Sinte jacobs dach en_ dese voers_ renten die heeft si hem versekert op hoer huys en_ erue daer si nv t_ tiit op woent en_ is gheleg_ in hanne~witten~straet en_ heeft beleghen an die west~side cramer op die oest~side heynric pieters zoen behouden den here siin recht jn kennesse der waerheyt soe hebben wi desen brief open bezeghelt met onsen ghemenen zeghel Ghescr_ op Sinte Louweriis auond jnt jaer ons heren dusent drie + hond_t een en_ tneghentich