Corpus Van Reenen-Mulder (CRM14): Oorkonde D005p39102

Wij scepen in + den hage doen kont alle_ luden dat voer ons quam jan omloep en_ verliede sculdich te wesen huge woest of die houder van desen brieue drie pont en_ twee scellinge holl_nts tsyairs ewelic staende gelt dair men wiin en_ broet om Coopt te betale_ alle jair op alre heyligen dach En_ dese voerscr_ renten die heeft hij him versekert op siin huus en_ erue en_ is gelege_ an + den delff~wech En_ heeft belegen an die zuyt~zijde pieter van + der meer en_ an die noert~zijde huge woest behouden den heer siin recht jn kennessen der wairheyt soe hebben wij desen brief open besegelt mit onsen gemenen zegel Gescreuen op alre kinder dach jnt jair ons heren dusent drie + hondert een ende tnegentich