Corpus Van Reenen-Mulder (CRM14): Oorkonde D005p39103

Wij scepen in + den hage doen kont allen luden dat voer ons quam jan omloep en_ verliede sculdich te wesen huge woest of die houder van desen brieue viertich scellinge holl_nts tsyairs ewelic staende gelt dair men wiin en_ broet om Coopt te betale_ alle jair op alre~heyligen En_ dese voerscr_ renten heeft hij him versekert op siin huus en_ erue gelege_ an + den delff~wech En_ heeft belegen an die noert~zijde vrederic jans soen en_ an die zuyt~zijde jan pijl behouden den heer siin recht jn kennessen der wairheyt soe hebben wij desen brief open besegelt mit onsen gemenen zegel Gescreuen op alre kinder dach jnt jair ons heren dusent drie + hondert een ende tnegentich