Corpus Van Reenen-Mulder (CRM14): Oorkonde D005p39402

Wi scepen jn + den haghe doen cont allen luden dat voer ons quam gheriit willems zoen . en_ verliede sculdich te wesen jan grawen of den houder van desen brieue vier pont holl_ns tsiaers eweliic staende ghelt daer men wiin en_ broet o_me coept te betalen alle jaer op sinte katerinen dach en_ dese voers_ renten die heeft hi hem versekert op een huus en_ erue dat gheleghen is jn hanne~witten~straet ende heeft beleg_ an die oest~side enghel pieters zoen op dat zwt~eynde gherijt die backer op die west~side jan graewe selue voers_ welc huus ? ? hi ghehuert heeft tieghen jan grawen voers_ om die voers_ renten behouden den here siin recht jn kennessen der waerheit soe hebben wi desen brief open beseghelt mit onsen ghemenen seghel Ghesc_ op sinte andries auont appostel jn? iaer ons heren dusent drie + hondert vier ende tneghentich