Corpus Van Reenen-Mulder (CRM14): Oorkonde D005p39501

Wi scepen jn + den hag_ doen cont allen luden dat voer ons qua_ jan allaerts zoen en_ verliede sculdich te wesen jan heynrics zoen of den houder des brieues dertich scelling_ holl_ns tsiaers ewelijc staende ghelt daer men wijn en_ broet o_me coept te betalen alle jaer toet meye en_ dese voers_ rente_ die heeft hi hem versekert op siin h˚us en_ erue daer hi nv t_ tijt op woent en_ is gheleghen jn jan heynrics zoens straet ende heeft beleghen an die noert~side die heylig_ gheest d_ nv t_ tiit ydekiin op woent op die zwt~side willaem jan wad_ts zoen op dat west~ende aechte van + den veen mit horen kinderen . dit voers_ erue dat heeft jan allaerts zoen gheh˚ert jn eyrfh˚ere_ tieghens jan heynrics zoen voers_ om die voers_ renten behouden den here siin recht jn ke_nesse der waerheit soe hebben wi desen brief open bezeghelt met onsen ghemenen zeghel Ghescr_ op sinte seruaes dach jnt jaer ons heren M˚ . CCC˚ . vijf en tneghentich - -