Corpus Van Reenen-Mulder (CRM14): Oorkonde D005p39502

Wi scepen jn + den hag_ Doen cont allen luden dat voer ons quam Danel stienwerpers zoen en_ verliede sculdich te wesen jan heynrics zoen of den houder van desen brieue vijftien scelling_ holl_ns siaers eweliic staende ghelt daer men wiin en_ broet o_me coept te betalen alle jaer toet meye en_ dese voers_ renten die heeft hi hem versekert op een huus en_ erue dat hi legghende heeft jn jan heynrics zoens straet en_ heeft beleghen an die zwt~zyde jan o_meloep mitte_ erue dat hi van aernt jacobs zoen van + den da_me ouernam en_ hi selue behuust heeft op dat west~ende piet_ willems zoen op die noert~side andries moenijn welc erue aernt jacobs zoen ghehuert heeft tieghen jan heynrics zoen voers_ en_ danel voers_ die heeftet van hem ouer om die voers_ renten in eyrfh˚eren behouden den here siin recht jn ke_nesse der waerheit soe hebben wi desen brief open bezeghelt mit onsen ghemenen zeghel Ghescr_ op sinte pancratius auont jnt jaer ons heren M˚ ccc˚ viue ende tneghentich