Corpus Van Reenen-Mulder (CRM14): Oorkonde D005p39503

Wij scepen jn + den hag_ doen cont allen luden dat voer ons qua_ jan o_meloep en_ verliede sculdich te wesen jan heynrics zoen of den houder des brieues sesse + en dertich scelling_ holl_ns tsiaers eweliic staende ghelt daer men wiin en_ broet o_me coept te betalen alle jaer toet meye en_ dese voers_ renten die versekert hi hem op ? huus en_ erue dat hi legghende heeft jn jan heynrics zoens straet en_ heeft beleghen op die zwt~side claes die koc op dat west~ende pieter willems zoen op die noert~side aernt jacobs zoen en_ dit voers_ erue d?t heeft jan o_meloep voers_ gheh˚ert jn eyrfh˚eren om die voers_ renten tieghen jan heynrics zoen voers_ behouden den here siin recht jn ke_nesse der waerheit soe hebben wij desen brief open bezeghelt mit onsen ghemenen zeghel Ghescr_ op sinte seruaes dach jnt jaer ons heren M˚ ccc˚ viif en_ tneghentich