Corpus Van Reenen-Mulder (CRM14): Oorkonde D005p39601

Wi scepen jn + den haghe Doen cont allen luden dat voer ons quam ermegaert stienaerts mit gheriit massen hore_ ghecoren voecht en_ verliede sculdich te wesen gheriit van gu_mengiis of den houder van desen brieue viertich scellinghe holl_ns tsiaers eweliic staende ghelt daer men wiin en_ broet o_me coept te betalen alle jaer toet valkenburgher marct en_ dese voers_ rente_ die hebben si hem versekert op dat huus en_ erue daer ermegaert voers_ nv t_ tiit op woent en_ is gheleghen an die west~side van + der spoeye ende heeft beleghen an die zwt~side jan heynrics zoen die weuer op die noert~side wiggher diedaerts zoen behouden den here siin recht jn ke_nesse der waerheit soe hebben wi desen brief open bezeghelt met onsen ghemenen zeghel Ghescr_ op sinte mychyels dach jnt jaer ons heren dusent drie + hondert sesse ende tneghentich