Corpus Van Reenen-Mulder (CRM14): Oorkonde D005p39702

Wi scepen Jn + den hag_ doen cont allen luden dat voer ons quam robbrecht machtelt foykiins zoen en_ verliede sculdich te wesen doedetgen pieter ghenen zoen of den houder van desen brieue een pont holl_ns tsiaers eweliic staende ghelt daer men wiin ende broet o_me coept te betalen alle Jaer tot voerscoeter~marct en_ tot valkenburch~marct als men lanthuer plecht te betalen welke renten hi hem versekert op twalef morghen lants luttel min of meer welc lant gheleghen is tscheue_inghe en_ heeft beleghen op dat noert~eynde ons liefs heren dwn op die oest~side dirc Jacobs zoen op dat zwt~eynde philips pietermans zoens erfnaem op die west~side gheriit deym . en_ dit voers_ erue dat heeft robbrecht voers_ ghehuert Jn erfhueren tieghen doedetgen voers_ om die voers_ renten . En_ tot desen voers_ renten soe sal robbr_ voers_ des burchgrauen huer gheuen alsoe tregister van hem hout En_ waer dat sake dat dit voers_ lant niet goed ghenoech en waer voer dese voers_ renten soe versekert hii + se voert te verhalen op siin reetste goede die hi heeft behouden den here siin recht Jn kennessen der waerheit soe hebben wi desen brief open beseghelt met onsen ghemenen seghel Ghescr_ op sinte lambrechts auont Jnt Jaer ons heren dusent drie + hondert seuen ende tneghentich