Corpus Van Reenen-Mulder (CRM14): Oorkonde D005p39901

Jc aernt van voirburch doe cont alle_ lude_ die dese brief sulle_ sie_ of hore_ lesen dat ic sculdich ben Claes pieters soe_ of die_ houdere van dese_ brieue zes pont holl_ns paijments daer me_ wijn en_ broot om coopt . op viertien morghen lants luttel meer of min welc lant voirs_ beleghe_ heeft an die oestzide hubrechts kindere_ van + de_ weru_ noortende mijns h_en veen die westzide Jan van voirburch en_ die zwtzide hubrecht veermans zoen / welc voir_ ghelt me_ betale_ zal alle Jaerlix te kersauont naestcomende En_ ic claes voir_ hebbe aernt voir_ dit voirs_ lant vercoft also alst in + de_ hoefslach ghelegh_ is en_ costumelic is Om~dat ic zelue ghene_ zeghel en_ hebbe so hebbe ic ghebede_ b_telmeeus gardijns soen die scout van voirburch dat hi desen brief ouer mi bezeghele_ wil en_ ic b_telmeeus voir_ om bede_ wille_ aernts voir_ so hebbe ic dese_ brief bezeghelt met mine_ zeghel int Jair ons h_en M CCC neghe_ ende tneghentich op sinte mathijs dach apostel