Corpus Van Reenen-Mulder (CRM14): Oorkonde D005p39902

Wij scepen in + den haghe doen Cont allen luden dat voer ons quam Claes vromcken soen en_ verliede sculdich te wesen lijsbet jans grawen weduwe of die houder van desen brieue vijf pont en_ vijf scellinge holl_nts tsyaers ewelijc staende gelt daer men wijn en_ broet om coept te betalen alle jaer opten meye~dach En_ dese voers_ renten heeft hij haer versekert op sijn huys en_ erue daer hij nv ter tijt op woent en_ is geleg_ in hannewitten~straet En_ heeft beleg_ an die side abel gerijt op dat suyt~ende aechte beckers op die west~sijde heer jacob goedso? behouden den heer sijn recht jn ke_nessen der waerheyt hebben wij desen brief open besegelt mit onsen gemenen segel Gescr_ op sinte seruaes dach jnt jaer ons heren dusent drie + hondert negen ende tnegentich