Corpus Van Reenen-Mulder (CRM14): Oorkonde D005p39903

Wi scepen jn + den hag_ doen cont allen luden dat voer ons quam wout_ roelen zoen en_ verliede sculdich te wesen aernt uten lardier of den houder van desen brieue drie pont holl_ns tsiaers eweliic staende ghelt daer men wiin ende broet o_me coept te betalen alle jaer op sinte martiins dach jn + den winter ende dese voers_ rente_ die heeft hi hem versekert op siin huus en_ erue daer hi nv t_ tiit op woent ende is gheleghen op die west~side van + der spoeye en_ heeft beleghen op die zwt~side voer trude rwschtgens op die noert~side trude jacob stoefmans zoens die brouster behouden den here siin recht jn ke_nesse der waerheit soe hebben wi desen brief open bezeghelt met onsen ghemenen zeghel Ghescr_ op sinte katerinen auont jnt jaer ons heren dusent drie + hondert neghen ende tneghentich -