Corpus Van Reenen-Mulder (CRM14): Oorkonde D005p40001

Dieric willem oebrechts zoen Doe cond allen luden dat Jc vercoft hebbe balgher jans zoen vijf hont lants luttel min of meer die gheleghen siin in aerskamp : Ende nv ter tiit ghemeen leggen ghemeyngheder v˚er mid florijs oebrechts kind_en . Ende beleghen heeft aen die zuyt~zide Enghebrecht wermbrech zoen : Aen die noert~zide ende aen dat west~ende Claes die muys floer adaems zoen ende ghijs aernts zoen Ende aen dat oest~ende die moerwech welc lant voers_ jc hem gheloue te waeren tot ewighen daghen als + men een vri volboden Erue sculdich is te waeren . Ende bekenne mi hier of voldaen ende wel betaelt den lesten penninc mitten Eersten . Jn oirconde desen brief ende jc selue ghenen segel en hebbe Soe heb jc ghebeden berwout willems zoen . dat hi desen brief voir mi beseghelen wil En_ jc berwout willems zoen o_me bede wille dieric willems soen mijn sweigh_e voernoemt hebbe desen brief opene besegelt mid Minen segele Gegeuen jnt jair ons heren . M + . vier + hondert vpten xxiiiisten dach in Meye