Corpus Van Reenen-Mulder (CRM14): Oorkonde D005p40002

Jc aernt van dam scout in + den ambocht van wassenaer doe kont allen luden dat voer my quam Jonc + claes en_ gheliede dat hy vercoft heeft dirc ians zoen van + der hoern een pont hollants tsiaers comans ghelts eweliker renten op derde + half marghen lants luttel min of meer gheleghen in + den ambocht voersc_ in haghebrooc En_ beleghen heeft op dat oestende katrijn van + tedrode op die zuytside Jonc + claes voers_ op dat westende floris van stropenburch en_ metter noortside strecket an die ban~wateringhe te betalen alle iaer tot meye En_ so gheloefde Jonc + claes voers_ dit voerghenoomde lant te waren dirc voers_ een vri erue en_ niet op te staen dan dit pont voers_ Voert so gheliede hem ionc + claes voers_ vol en_ al betaelt den lesten penninc mit den eersten van desen ponde tsiaers voers_ / Jn kennessen der waerheyde so heb ic desen brief bezeghelt mit minen zeghel Ghegheuen in + den iaer ons heren dusent en_ vier + hondert op den vijf + ende twintichsten dach in aprille