Corpus Van Reenen-Mulder (CRM14): Oorkonde D005p40003

Wi scepen jn + den haghe doen cont allen luden dat voer ons quam gheriit wouters zoen en_ virliede sculdich te wesen dirc jacobs zoen of den houder van desen brieue tyen scellinghe holl_ns tsiaers eweliic staende ghelt daer men wiin en_ broet o_me coept te betalen alle jaer op sinte gheertruden dach en_ dese voers_ renten die heeft hi hem versekert op siin huus en_ erue daer hi nv ter ? op woent en_ is gheleghen op die oest~side van + der spoeye ende heeft beleghen op die noertside louwetgen wouter louwen zoen op dat oesteynde gherijt wiggher op die zwtside claes van + der veer behouden den here siin recht jn kennesse der waerheit soe hebben wi desen desen brief open bezeghelt met onsen ghemenen zeghel Ghescr_ op sinte gregorius dach jnt jaer ons heren dusent vier + hondert