Lijst

Corpus Van Reenen-Mulder (CRM14): Oorkonde D006p33901

Wateringen, 1339

Jc jan prochipape van der wateringhe make cont en_ kenlike allen luden die desen brief sullen Syen of horen Dat florens gherds soen van den haute voer mi en_ voer dirc adegheest hildebrant heyne jaen jan die leynser ende voer ander buure~lude quam ende verwilcoerde vp sijn erue dat hi heeft binnen den ban van der wateringhe waer dat sake dat haer jacob van aelsemaer enich ghebrec hadde an die vjue morghen lants die hem willaem gherd soen vercoft heeft die jan clays soen jn huurwaer heeft Dat soude florens voerseit haeren jacob voerscreuen vprechten toter tijt dat willaem voerseit haren jacob eene vulle mate gheleuert heeft also als recht es van desen vorscreuen vijf morghen lants Jn Orkonde desen brieue beSeghelt met minen Seghle Ghegheuen int jaer ons heren M˚ ccc˚ xxx en_ neghene vp sinte clements daghe - - -