Corpus Van Reenen-Mulder (CRM14): Oorkonde D006p37001

IC aelbrecht van + der wateringhe Ridder Doe cont allen luden dat ic verlijt hebbe ende verlie jacob jan sceelvranken zoen van mj te houden alsullic lant als sijn vader plach te houden van minen heer minen vader in allen manieren als die brief in~hout die hi daer of heeft ende mijn heer mijn vader voernoemt beseghelt heeft Om~dat ic wille dat dit wel ghehouden worde van mi ende van minen nacomelinghen jacob jan ende sinen nacomelinghers . So heb ic desen brief open beseghelt met minen zeghel Ghegheuen jnt jaer ons heren dusent drie hondert ende tseuentich des vridaghes na sinte mergriete_ daghe