Corpus Van Reenen-Mulder (CRM14): Oorkonde D502r37401

Wi ian van aernhem prochipaep toet tsg_uenzande en_ dirc mont vicecureyt in oestuoern doen cont en_ kenlic allen luden dat clemense meest_ voppen wedui in onser ieghenwoerde heeft ghegheue_ en_ gheeft puerlic om goeds wil . den armen beghinen in den houe te sgraue_zande een pont holl_ iaerliker rente_ die zu heeft op elf hont lants gheleghe_ int noerlant en_ die kreke daer pieter lauwe_ zoen nu een besitter of is en_ sculdich is te betalen alle iare in meye~daghe als die scepe_~brief hout die daer of ghemaect is . en_ van desen voers_ pont holl_ so sullen die beghine_ voers_ wt~reyken broeder bertelmees jan martijns soens soen vijf schellinghe holl_ al~so langhe als hi leuet alle iare en_ na sijnre doet te bliue_ onder die arm beghine_ Voert so begheert clemense voers_ dat die beghine_ voerseyt alle iare Sulle_ doen twee memorien een toet sinte pieters misse ad cathedra_ mijnre vrouwe_ va_ voerne lieke_ jans moelnaers en_ wiuen meest_ gheenen . een ander toet sente martijns dach in den zomer meester voppe_ jan den moelnaer en_ clemensen meest_ voppe_ voers_ en_ alle haerre vriende ziele_ En_ gheuielt dat dit voernoemde beghijn~hof te niete ghenghe so Soude dit voers_ pont holl_ come_ op den heylighen gheest toet sg_uenzande In kennessen der waerheyt so hebbe wi desen brief beseghelt met onse_ seghelen Ghegheuen jnt iaer ons heere_ dusent drie + hondert vier en_ tseue_tich op sente lambrechts dach