Corpus Van Reenen-Mulder (CRM14): Oorkonde D505r31601

WJ Scepenen vter haghe maken cont en_ kenleec allen luden / dat quam vor ons jhan van der wateringhe en_ gaf . ynwin heyen den Eeghindoem van den lande daer kerstant boekel vp plach te woende / licghende in hetscamp / Vort So quam vor ons ynwin heye vorzeit / en_ gaf met eenen vullen rechte alt vorzeide land tenen vrien eeghindoeme den Godshuse van loesdunen / daer die summe of es neghentiene morghen / drie vierendeel honds min / Ende omme~dat dese vorzeide dinghe vast en_ ghestade bliuen zo hebben wi . Scepenen vter haghe desen brief beseghelt met onzen ghemeenen zeghele vthanghende Ghegheuen in den jare ons heren als men screef / Dusent Drie hondert en_ zestiene / des dinxendaeghs na Grote~vastenauent - - -