Corpus Van Reenen-Mulder (CRM14): Oorkonde E012p39801

Willaem wouter zoen scout van bersinghehorn doe cont allen luden dat voer mi quam claes gheriit zoen ende scout quit tot ienen vrien e_ghendoem bartelmies tolkiins zoen van heer gheriits weghen van heemskercke al~sulke huus en_ erve als hier nae ghescreuen staet bin + den ban van bersinghehorn huus ende erve daer hi nv + ter + ti~it in woenachtic is en_ die coeltwn daer lende of siin die paepliic prouende en_ rembrant ludekiin zoen en_ ien venne lants in + den selue ban gheleghen bi + der leets en_ die groet daer of is neghentien gheerse luttel min of meer en_ lende of siin die paepliic p_ue_de en_ rembrant eylwaert zoen en_ ien gheers lants op die hemmen daer lende of siin fokel herings mit haer kinder en_ noch ien half ghers legghende op die out venne daer lende of sien benning wibrant zoen olbra_t obbe zoen Jn kennisse daer waerheyt heb ic mi_ seghel hier aen ghehanghen Jnt iaer ons heren dusent drie hondert ach + ende @ tneghentich des saterdaghes nae sinte marcus dach