Corpus Van Reenen-Mulder (CRM14): Oorkonde E043p31701

Allen den ghenen die dese lettere zien sullen ofte horen lesen make cont jc gherrijt prochipape van egmonde en_ orconde dat volkarts wijf tiete mellijncs zoen . den goedshuse va_ egmonde toebihort . en_ jc daer ouer was . daer hoer miene maghe va_ egmonde quamen voer den rentemiester en_ voer des abts meyer en_ voer anders vele goeder liede . en_ lieden ghemieneliken en_ orconden . dat si van horen slachte gheboren ware . en_ den godhuse van egmonde claerlike toebihoerde . Ende op~dat dese dinghe aldus sien . en_ stade en_ vaste bliuen sullen so hebbe ic desen brief bisegelt met minen seghel . Jnt jaer ons heren dusent drie + hondert en_ zeuentiene op sente tyburcius dach .